ફક્ત ૧૫ મિનિટમાં ઓટિઝ્મની તપાસ

 

 

બાળકોના મગજમાં ઓટિઝ્મનાં લક્ષણોની તપાસ હવે ફક્ત ૧૫ મિનિટમાં થઈ જશે. કિંગ્સ કોલેજ લંડનના મનોવિજ્ઞાનીઓએ મગજનો ૩ડી એમઆરઆઈ કાઢીને આ બીમારીને શોધવામાં સફળતા મેળવી છે.

તેમાં બાયોલોજિકલ માર્કર દેખાય છે જે એ જણાવે છે કે બાળકને ઓટિઝ્મ છે કે નહીં. તેમનો દાવો છે કે આ ટેકનિકથી બીમારીનું ૯૦ ટકા સચોટ અનુમાન લગાવી શકાય છે.

હાલમાં ઓટિઝ્મની બીમારી તપાસવાની ટેકનિક અત્યંત ખર્ચાળ છે. ઓટિઝ્મ મગજનો એક વિકાર છે, જેના કારણે બાળકની બોલવાની ક્ષમતાને અસર થાય છે અને તે પોતાને બીજા કરતાં અલગ અનુભવે છે.