વધુ ખાંડ ખાવાથી હૃદયને નુકસાન થવાનું જોખમ

પુખ્ત વયના લોકો બે અઠવાડિયાં સુધી તેમની ૨૫ ટકા કેલરીની જરૂરિયાત માટે દરરોજ વધુ પડતું ફ્રકટોસ કોર્ન સિરપ લેતાં હોય તો તેમના માટે નવા હાથ ધરાયેલા અભ્યાસનાં તારણોએ ખતરાની ઘંટડી વગાડી છે. આ રીતે વધુ પડતી સુગર શરીરમાં જવાને કારણે લોહીમાં કોલેસ્ટરોલનું પ્રમાણ વધે છે અને ટ્રાઈજીલાઈકેરાઈડ્સમાં વધારો થતાં હૃદયરોગનાં જોખમોમાં વધારો થાય છે.

• પાંચ ટકા કેલરી વધારે તેટલી જ ખાંડ ખાવી જોઈએ

અમેરિકન હાર્ટ અસોસિયેશન દ્વારા એવી ભલામણ કરવામાં આવી છે કે, પુખ્ત વયના અને મોટી ઉંમરના લોકોએ દરરોજ તેમની કેલરીમાં પાંચ ટકા વધારો કરે તેટલી જ ખાંડ ખાવી જોઈએ. જ્યારે જ્યારે ખોરાકમાં વધારે ખાંડ લેવામાં આવે ત્યારે મહત્તમ ૨૫ ટકા કેલરી બાળી નાંખવી જોઈએ. અભ્યાસમાં વધુ વજન ધરાવતાં અને ઓછું વજન ધરાવતાં પુખ્તોના ખોરાકનો અભ્યાસ કરવામાં આવ્યો હતો. જે લોકો ખાંડનો વધારે પડતો ઉપયોગ કરતા હતા તેમનામાં હૃદય રોગનું જોખમ વધ્યું હતું. કેલિફોર્નિયા યુનિવર્સિટીના સંશોધક કિમ્બર સ્ટેનહોપના જણાવ્યા મુજબ આને કારણે ડાયાબિટીસ થવાનો ખતરો પણ વધે છે. ૨૫ ટકા કેલરી તરીકે જો ફ્રકટોસ કોર્ન સિરપ લેવામાં આવે તો તેનાથી અનેકગણાં જોખમો વધે છે. સંશોધકોએ ૧૮થી ૪૦ વર્ષના લોકોની ખોરાકની પદ્ધતિનો અભ્યાસ કર્યો હતો જેમાં ગ્લુકોઝ નહીં પણ ફ્રકટોસ કોર્ન સિરપનું ૨૫ ટકા જેટલું ઊંચું પ્રમાણ હૃદય રોગ નોતરનારું જણાયું હતું.